2008年11月24日

三看《烈日當空》。



其實是有朋友還未看, 陪他同行自己再看多一次。

第三次看, 仍然會感動仍然會被劇中演員對白場面帶動悲喜哀樂......

走出電影院, 跟同行朋友談論電影的所感。


DK: 其實第一次都FEEL到啲, 第二次睇覺得似, 第三次睇就終於肯定阿摺係喜歡牛蒡呀... 就係因為怒榮的某段獨白: 「其實乜嘢係正常, 乜嘢係唔正常......」之類, 畫面係阿摺喺牛蒡的LOCKER旁邊俾HEADPHONE佢聽, 啲嘢跌晒落地, 怒榮埋去幫手執, 但頭抽就拉咗怒榮走.....佢地幾個回頭望阿摺及牛蒡的眼神, 加埋當時怒榮的獨白.... 應該都係...... 其實唱K時, 頭抽對阿摺的一句:「乜你唔係GAY 0既咩?」阿摺笑著回應:「WHY NOT?」有啲HINTS...... 同埋阿摺被打時, 牛蒡出手相救, 牛蒡出事後阿摺的態度, 普通好好朋友係唔會幫好好朋友作出呢個最後決擇的....

朋友: 你唔係嘛, 駛唔駛睇第三次先肯定呀, 好明顯喎.... 兩個普通男性摯友都唔會成日分享HEADPHONE架喎.... 你之前兩次睇乜架?



um...... 也怪電影內容太豐富了, 一兩次看不完所有電影表達出來的東西。:P



相關文章:
1. 《烈日當空 High Noon》: 奪目流暢的青春殘酷物語
2. 再看《烈日當空》。
3. 三看《烈日當空》。

7 則留言:

匿名 說...

haha...Donald,我都係睇左三次先發覺牛蒡同阿摺非一般摯友關係,我諗除左你所講內容豐富睇唔切之外,相信亦都係導演悉心安排嘅手法,如果描寫得太明顯我諗我唔會到今日仲想起佢兩個嘅關係是我諗多左定真的呢^^
導演處理得恰如其分,完全沒有令人有嘔心感覺,因為香港對同性關係始終都係保守,如果處理得唔好對整齣戲多少都會大打折扣...
另外...你真係好鍾意呢套戲喎...睇左三之咁多,不過我都係XDDD...同埋好欣賞你對呢套戲嘅評價,可能因為我同你都一樣咁喜歡呢套戲啦:p

P.S.上次以匿名留言的是我^^

4res 說...

我也沒察覺到呢!
電影可供讀者思考和細味的細緻位實在很多啊
我在想
編導也可能因為貪心而適得其反而幾頭不到岸的....
但麥曦欣卻拿捏得何其恰如其份、準確無礙啊!

不推崇這部電影的話 實在說不過去 :D

Donald Kwan 說...

匿名:

謝謝你又留言呀.

我同你一樣, 我依家都有係咪自己"諗多咗呢" 呢個感覺.... 不過都似係, 可能係導演俾觀眾的一個小小功課嚟... 好玩!

Donald Kwan 說...

4RES:

對對對, 想講太多幾頭唔到岸的劇本編導多的是, 麥導演真的HANDLE得好好呀.....

我也已很努力推崇, 不過昨天夜場的觀眾真的不算多, 不只可否捱多一星期的映期呢? :C

666 說...

哈哈,看來戲中的細微位你冇留意到呢
看第一場時我就留意到呢一段非一般的朋友感情,青澀的戀愛愛的自然,也沒有太去標榜也不是主幹所以大家miss左。
決定呢一part真係拍攝的好好
表達晒有d事做左就不能後悔,回不了頭。

Donald Kwan 說...

666:

嘻嘻, 也不是沒留意到, 只是覺得自己是想多了, 不過第三次看便找到一個足以"肯定"的場面.

ZO 說...

DK大哥...對不起又係我...XD

我剛剛KO了烈&你的3篇後感, 忍不住又要留言..阿摺在LOCKER前幫牛蒡戴HEADPHONE時二人表情已明顯有特別情感, 之後榮幫忙拾書時二人略微收起笑意, 肥毛背後走過回頭一望, 榮走開後也回頭, 加上榮的"跟別人不同就是不正常?"旁白, 可以很肯定不是我們想多喇~~~

不過我妹在WHY NOT那裡才驚訝地問我是真的嗎...那句why not其他人都在後面談天, 只有原本密密唸書(?)的牛蒡抬頭望阿摺喔~~

所以!



我對同志題材這樣敏銳好嗎....= =

Blog Widget by LinkWithin

older posts......